Detenshon pa manehá bou di influensia di alkohòl
Djárason 25 di yüni, alrededor di 3.30 or di mardugá, a detené un hòmber di inisial S.B.D.v.D. di 21 aña di edat na Kaya Gilberto (Betico) Croes pa manehá bou di influensia di alkohòl. E sospechoso tabata kore riba un skuter sin hèlm bistí i un patruya a par’é. Durante e kontròl, e sospechoso tabata mustra vários karakterístika di un persona ku ta bou di influensia di alkohòl. A hasi un tèst di supla kuné for di kua a resultá ku el a konsumí mas alkohòl ku ta permití. A detené i a hib’é warda di polis pa un análisis di rosea. A konsekuensia di e resultado di esaki el a haña un prohibishon di manehá pa 2 ora.
Kiebro den negoshi
Djamars 24 di yüni a drenta keho di kiebro den un snèk na Kaya Avelino J. (Abechi) Cecilia. Deskonosínan a haña akseso na e edifisio via un bentana i a bai ku un tas di lomba koló pretu di e marka Nike i sèn kèsh. Ta investigando e kaso.
A enkontrá pikòp hòrtá
Den oranan di anochi di djárason 18 di yüni, alrededor di 11.30 or, a topa ku un vehíkulo probablemente prosedente di ladronisia na un edifisio bandoná riba Kaya Andino. A konfiská e vehíkulo.
Ta trata di un pikòp Nissan koló blanku, ku deskonosínan a bai kuné riba mes un dia, djárason 18 di yüni, dilanti di un kas riba Kaya Breda. Ta investigando e kaso.
Bo a mira algu sospechoso? Yama 717 8000 òf e liña di tep anónimo 9310.