Boto di piskadó den problema
Djamars 8 di yüli, alrededor di 12 or di mèrdia, ‘meldkamer’ sentral a risibí notifikashon di un boto den problema na e parti sùit di kosta di Boneiru. E boto tabatin dos piskadó abordo. Motor a stòp di traha, i pa motibu ei nan a pidi yudansa.
Mesora a despachá e tim Multidisiplinario Marítimo Hub Boneiru (MMHB). Miembronan di Kuerpo Polisial Hulanda Karibense (KPCN) i Wardakosta abordo di e boto ‘Interceptor’ a nabegá bai sùit di Boneiru. Algu mas despues di Willemstoren, a enkontrá e boto di piskadó en kestion. A tou e boto hiba Playa, i a entreg’é na su doño. E piskadónan tabata bon di salú.
Bo a mira algu sospechoso? Yama 717 8000 òf e liña di tep anónimo 9310.
Imágen: © KPCN