Detenshonnan pa violensia públiko
Djamars 22 di yüli, alrededor di 9 or di anochi, a detené un hòmber di inisial O.O.C. di 22 aña di edat i un hòmber di inisial J.E.G.T. di 20 aña di edat pa maltrato, maltrato ku arma i violensia públiko. E detenshonnan a tuma lugá despues ku a drenta notifikashon na ‘meldkamer’ sentral tokante un bringamentu entre algun hòmber riba Kaya J.N.E. Craane na altura di waf di piskadó. Ta investigando e kaso.
Ladronisia di kònteiner di sushi
Djamars 22 di yüli a drenta keho di ladronisia di un kònteiner di sushi koló bèrdè skur. E kònteiner di sushi tabata pafó di un kurá di kas na Kaya Avelino J. (Abechi) Cecilia i un persona deskonosí a bai kuné. Ta investigando e kaso.
Detenshon pa poseshon di sèn falsifiká
Den oranan di mainta di djamars 22 di yüli a detené un hòmber pa ta den poseshon di sèn falsifiká. Despues di mas investigashon a resultá ku e sèn no tabata falsifiká lokual un banko tambe a konfirmá. Mesora a pone e persona den libertat.
Insidente
Djaluna 21 di yüli, alrededor di 6.30 or di anochi, a mèldu na ‘meldkamer’ sentral un insidente ku a tuma lugá na e krusada di Kaya Korona i Kaya Papa Cornes. Un outo a desviá pa evitá un aksidente ku un skuter, pero e shofùr di e skuter a pèrdè kòntròl i kai na suela. Ambulans a transportá e víktima pa hòspital pa tratamentu médiko.
Bo a mira algu sospechoso? Yama 717 8000 òf e liña di tep anónimo 9310.