Outo na kandela
Den oranan di mardugá di djabièrnè 25 di yüli, alrededor di 4.10 or, 'meldkamer' sentral a risibí notifikashon tokante un kandela na Kaya Jagueribe. Na yegada di polis a resultá ku un outo, stashoná den kurá di un kas, tabata na kandela. Brantwer a presentá na e sitio i a paga e kandela. E outo a kima kompletamente. Ta investigando e kaso.
Kiebro den konteiner
Djárason 23 di yüli a drenta keho di kiebro i ladronisia den un kònteiner riba tereno di un kompania na Kaya Sonmontuno. Deskonosínan a haña akseso na e tereno dor di destruí kandalnan i a bai ku diferente hèrmènt. Ta trata di entre otro dos mashin di sleip, un mashin di las, dos ‘radiator’ di un mashin i un mashin di preshon haltu (pressure washer). Ta investigando e kaso.