Destrukshon i ladronisia di bateria di outo
Djabièrnè 1 di ougùstùs a drenta keho di ladronisia i destrukshon riba tereno di un kompania na Kaya Antonia. Deskonosínan a destruí e baki di bateria i bai ku dos bateria for di un trùk. Ta investigando e kaso.
Detenshon pa manehá bou di influensia di alkohòl
Djabièrnè 1 di ougùstùs, alrededor di 2.20 or di mardugá, a detené un hòmber di inisial T.R.K. di 19 aña di edat den Centrumgebied pa manehá bou di influensia di alkohòl. A para e sospechoso pa un kòntròl rutinario despues di kua a resultá ku e tabata manehá bou di influensia di alkohòl. E sospechoso a haña un prohibishon pa manehá di 1 ora.
Detenshon pa violensia públiko
Djaweps 31 di yüli, alrededor di 4.45 or di atardi, e Grupo di Tarea Spesial (Groep Bijzondere Opdrachten, GBO) a detené un hòmber di inisial J.I.S. di 19 aña di edat na Kaminda Djabou pa violensia públiko. Investigashon den e kaso ta kontinuá.
Restunan di outo na kandela
Djárason 30 di yüli, alrededor di 9 or di anochi, 'meldkamer' sentral a risibí notifikashon tokante kandela den besindario di Santa Clara. Na yegada di polis a resultá ku tabata trata di un kandela grandi riba un tereno. Pa motibunan ainda deskonosí, un kantidat grandi di restunan di outo bieu tabata na kandela. Brantwer a logra pone e kandela bou di kòntròl ku yudansa tambe di un ‘excavator’. Despues di mas o ménos 1 ora i mei a paga e kandela.