Detenshonnan pa maltrato
Djaluna 5 di yanüari, alrededor di 2.50 or di mardugá, a detené un hòmber di inisial C.R.l.M. di 50 aña di edat na Sorobon Beach pa maltrato. Durante ku a listra e sospechoso, a haña algun saku ku supstansianan probablemente narkótiko. A konfiská esakinan.
Djadumingu 4 di yanüari, alrededor di 12:05 or di mardugá, a detené un hòmber di inisial C.V.B. di 49 aña di edat na Kaya Fidelia pa maltrato.
Ta investigando e kasonan.
A konfiská outo despues di neglishá señal pa para
Djadumingu 4 di yanüari, alrededor di 9.15 or di anochi, un shofùr riba Kaya Japura a neglishá señal di polis pa para. E outo tabata kore ku velosidat haltu i sin plachi di number dilanti. Seguidamente, e shofùr a kore drenta kurá di un kas na Kaya Juruena i a nenga di mustra su dokumentunan. Pa e motibu aki a konfiská su vehíkulo. Na momentu ku e shofùr presentá na warda di polis ku e dokumentunan bálido pa buska su outo, e lo haña un but tambe.
Kiebro na skol
Djasabra 3 di yanüari a drenta keho di kiebro na un skol na Kaya Frater Odulfinus. Deskonosínan a haña akseso na e edifisio i a bai ku un kaha fuerte ku un montante di sèn. Ta investigando e kaso.
Ladronisia for di vehíkulo
Djabièrnè 2 di yanüari a drenta keho di ladronisia for di un outo stashoná na Kaya Gresia. Deskonosínan a saka un radio di outo di marka Pioneer i un ‘USB-stick’ for di e ‘dashboard’ di e vehíkulo. Ta investigando e kaso.
Detenshon pa manehá bou di influensia di alkohòl
Djabièrnè 2 di yanüari, alrededor di 3.05 or di mardugá, a detené un hòmber di inisial J.F.E.J. di 59 aña di edat na Kaya J.N.E. Craane pa manehá bou di influensia di alkohòl. Despues ku polis a para e sospechoso pa un kòntròl, nan a sinti un holó di supstansianan probablemente narkótiko. A listra e vehíkulo i a haña un saku ku supstansianan probablemente narkótiko den tas di e sospechoso i a konfiská esaki. Pa motibu ku e tabata mustra vários señal di ta bou di influensia di alkohòl, a hasi un tèst di supla kuné. El a supla riba e límite pèrmití pa lei. El a haña un prohibishon di manehá pa 1 ora.