Aksidente entre outo i crosser
Djabièrnè 13 di mart, alrededor di 7.40 or di mainta, ‘meldkamer’ sentral a risibí notifikashon tokante un aksidente na altura di Kaya Gavilan. Na yegada di polis a resultá ku ta trata di un aksidente entre un outo i un crosser. E crosser a bai pasa e outo nèt na momentu ku esaki a lora. Shofùr di e outo a spanta pa motibu di e aksidente i a pidi ambulans pa un chekeo médiko. Shofùr di e crosser no tabata mester di asistensia médiko pero el a haña but pa manehá sin seguro bálido.
Aksidente entre outo i skuter
Djaweps 12 di mart, alrededor di 1.05 or di mèrdia, ‘meldkamer’ sentral a risibí notifikashon tokante un aksidente di kua un persona a kai for di skuter i resultá heridá. Na yegada di polis a resultá ku ta trata di un aksidente entre dos vehíkulo. E skuter ku tabata kore riba ‘fietspad’ a dal patras di e outo na momentu ku esaki a lora na su man drechi pa drenta un sitio di parker. Ambulans a transportá shofùr di e skuter pa hòspital pa tratamentu médiko. Shofùr di e outo a haña but pa manehá sin reibeweis.
Detenshonnan pa manehá bou di influensia di alkohòl
Djaweps 12 di mart, alrededor di 2.30 or di mardugá, a detené un hòmber di inisial S.B.S. di 33 aña di edat riba Kaya Gilberto F. (Betico) Croes. A para e sospechoso pa un kòntròl despues ku polis a konstatá ku e tabata manehá sin plachi di number visibel na e parti dilanti di su vehíkulo. Durante e kòntròl a hasi un tèst di supla i a resultá ku e sospechoso tabata manehá bou di influensia di alkohòl. El a haña but pa manehá sin reibeweis, sin seguro i sin plachi di number di dilanti.
Djaweps 12 di mart, alrededor di 1.45 or di mardugá, a detené un hòmber di inisial O.A.U.S. di 46 aña di edat na Hanchi Amboina despues ku polis a mira e vehíkulo ta zeilu riba kaminda. Pa e motibu aki a dun’é señal pa para. Durante kòntròl a resultá ku e sospechoso tabata bou di influensia di alkohòl i a detené. El a haña un prohibishon di manehá pa 6 ora.
A transportá e sospechosonan pa warda di polis pa kontinuá ku e trámitenan korespondiente. Aki nan lo haña un prosèsferbal tambe.