KRALENDIJK – Djasabra 28 di mart, Kuerpo Polisial Hulanda Karibense (KPCN) ta organisá e programa “IMPAKTO” na Stadion di Playa. E programa interaktivo aki ta pa hóbennan di 15 pa 21 aña di edat i ta forma parti di e kampaña preventivo kontra violensia ku arma di kandela na Boneiru.
Ku e programa akí, KPCN ke konsientisá hóbennan riba e konsekuensianan di violensia ku arma di kandela, pero prinsipalmente fortifiká nan den tuma desishon konsiente i responsabel. E mensahe sentral ta ku tur eskoho tin influensia riba futuro.
Durante e mèrdia, e hóbennan ta partisipá aktivamente na un programa variá. Nan lo skucha historia personal di personanan afektá pa mal desishon. Despues nan mes lo bai traha riba temanan manera identidat, influensia di grupo, resiliensia i pensamentu dirigí riba futuro. E programa ta dirigí riba eksperensia i reflekshon, reta e hòbennan pa para ketu na nan propio eskoho i e impakto ku esaki tin riba nan bida.
E programa ta pa tur hóben ku ke traha riba nan desaroyo personal i nan futuro. Partisipashon ta grátis.
Informashon práktiko:
-
Lugá: Stadion di Playa
-
Fecha: djasabra, 28 di mart 2026
-
Orario: 2 or di atardi – 6 or di atardi
E mèrdia ta inkluí tambe un mensahe spesial di Gezaghèber di Boneiru, sr. John Soliano ku ta enfatisá importansia di un esfuerso konhunto pa futuro di nos hóbennan.