Ladronisia di partinan di fatbike
Djamars 31 di mart a drenta keho di ladronisia di algun parti di un baiskel (fatbike) ku tabata stashoná den kurá di un skol na Kaya Frater Odulfinus. Deskonosínan a bai ku un pantaya i ‘remote control’ di e fatbike. Ta investigando e kaso.
Ladronisia for di kònteiner
Djaluna 30 di mart a drenta keho di destrukshon i ladronisia for di un kònteiner situá na Washikemba. Deskonosínan a haña akseso na e kònteiner i bai ku un skopèt di ‘paintball’. Ta investigando e kaso.