Polis di bario nobo pa Tera Kòrá

Eugene Granviel ta e Polis di Bario nobo di Tera Kòrá. Su área di trabou ta Tera Kòrá, Belnem, Lima, Sabal Palm, La Palma, Suikerpalm, Punt Vierkant i bisendario. Eugene tin mas ku 28 aña di eksperensia komo polis na Hulanda Karibense. Mas ku 10 aña e tabata aktivo komo Polis di Bario. Den su karera el a traha den diferente bario, manera Nort’i Saliña, Amboina, Nikiboko i Playa. Ku su amplio eksperensia i konosementu di komunidat, e ta komprometé pa kontribuí na un bario seif, den kolaborashon estrecho ku habitantenan i partnernan.

Eugene ta asumí e ròl aki ku entusiasmo.

Konosé e Polis di Bario 

Den e próksimo periodo, Eugene lo ta aktivo den su bario i via medionan di komunikashon. Habitantenan por tuma kontakto for di awor kaba ku Eugene via meil òf dor di yama warda di polis i pidi pa e Polis di nan bario.

E otro Polisnan di Bario ta sostené otro den nan trabounan. Polis di Bario semper ta traha huntu. E repartishon di e otro barionan ta asina:

Victoria Melaan – Antriol, Antriol Pabou, Antriol Pariba i Bario Mexico

Jorge Wanga – Playa, Playa Pariba, Playa Pabou, Kaya Industria i Kaya Hulanda

Quinlan de Lanoy – Rincon, Tras di Montaña, Sabadeco, Kaminda Turístiko, Playa Grandi, Gotomeer i besindario, Washington Park i bisendario

Irvin “Lee” Anthonij – Nort Saliña, Hato, Republiek, Nawati i Bona Bista

Laurienne Francis – Nikiboko, Sabana, Lagun Hill, Amboina, Tanki Matrimonio, Nieuw Amsterdam, Mamparia Kutu, Bario Wanapa, Lac i Sorobon

KPCN ta deseá Eugene Granviel hopi éksito den su bario nobo.