Aksidente entre outo i skuter
Djabièrnè 17 di aprel, alrededor di 8 or di mainta, ‘meldkamer’ sentral a risibí notifikashon tokante un aksidente ku herido riba E.E.G. Bulevar. Na yegada di polis, a resultá ku ta trata di un aksidente entre un outo i un skuter. Shofùr di e skuter a resultá heridá i ambulans a transport’é pa hòspital pa tratamentu médiko. A hasi tèst di supla ku shofùr di e outo, pero no tabatin indikashon di uso di alkohòl. Pa motibu di prioridat médiko, shofùr di e skuter no por a hasi e tèst di supla. Shofùr di e outo a haña but pa manehá sin reibeweis bálido.
Kiebro den establesimentu di hóreka
Djabièrnè 17 di aprel a drenta keho di kiebro i ladronisia for di un establesimentu di hóreka situá na Kaya Nikita. Deskonosínan a haña akseso na e edifisio i a listra den esaki. Probablemente a bai ku solamente bebida. Ta investigando e kaso.