Kiebro den negoshi
Djaluna 27 di aprel a drenta keho di destrukshon i kiebro den un negoshi na Kaya Karpitan. Deskonosínan a haña akseso na e edifisio i a bai ku bebida alkohóliko i sèn kèsh. Ta investigando e kaso.
Ladronisia na bich
Djaluna 27 di aprel a drenta keho di ladronisia na 'Te Amo Beach', situá na Kaya Internashonal. Deskonosínan a bai ku un kámara ‘Go Pro 13’ di e marka ‘Hero’ for di un tas ku a keda riba e bich na momentu ku e doño a bai landa. Ta investigando e kaso.
Aktividatnan na Rincon den fin di siman a kana bon
Durante e fin di siman ku a pasa, a tuma lugá diferente aktividat, ku a trèk un publiko grandi, den Rincon en konekshon ku e bario su dia. E aktividatnan aki a bai sin ningun partikularidat di menshoná. Polis tabata enkargá ku supervishon i mantenshon di órden públiko. Tambe a hasi test di supla i kontrol durante e Parada di Djuvedam. Aki tur kos tabata bou di kòntròl.
Loke si mester a atendé kuné ta aksidentenan di tráfiko ku a tuma lugá riba e kaminda ku ta kondusí pa Rincon. E aksidentenan ku tabata okurí presensia di polis, tabata dos aksidente di kua e vehíkulonan a bòltu i un aksidente den kadena. Den tur tres kaso, tabatin shofùrnan ku tabata bou di influensia di alkohòl.
Bai Rincon seif: Paga tinu riba bo velosidat i no manehá bou di influensia!
E próksimo dianan lo tin selebrashon den Rincon. Nos ke pa tur hende yega Rincon i yega kas seif. P’esei, KPCN ta hasi yamada urgente na un i tur:
-
Paga tinu riba bo velosidat. E kaminda pa Rincon por ta drùk. Ahustá bo velosidat i manehá responsabel.
-
No bebe alkohòl i manehá. Manera a resultá e dianan ku a pasa, alkohòl den tráfiko a kondusí na aksidentenan. Evitá ku abo ta kousa di un aksidente. Si bo ta konsumí alkohòl, no manehá. Regla un shofùr pa hiba bo kas sano i salvo.
Laga nos huntu hasi e fiesta aki unu seif!
Detenshonnan pa manehá bou di influensia di alkohòl
Den e wikènt ku a pasa, polis a detené kuater(4) shofùr pa manehá bou di influensia di alkohòl.
Djaluna 27 di aprel, alrededor di 5.10 or di mardugá, a detené un hòmber di inisial E.E. di 40 aña di edat riba Kaminda di Rincon na altura di Subi Colombia. E sospechoso tabata enbolbí
den un aksidente ku solamente daño material entre tres vehíkulo. Konforme e maneho di ‘botsen is blazen’, a hasi un tèst di supla i a resultá ku el a konsumí mas alkohòl ku ta pèrmití pa lei. El a haña prohibishon di manehá pa 6 ora.
Djaluna 27 di aprel, alrededor di 2.50 or di mardugá, a detené un hòmber di inisial A.d.l.C.S. di 21 aña di edat riba Kaminda di Rincon na altura di Kaminda Onima. E sospechoso a pèrdè kòntròl i bòltu su vehíkulo den mondi. Konforme e maneho di ‘botsen is blazen’, a hasi un tèst di supla i a resultá ku el a konsumí mas alkohòl ku ta pèrmití pa lei. A konfiská su reibeweis. Algun ora despues, alrededor di 5.55 or di mainta, polis a mira e sospechoso ta manehá un outo riba Kaminda di Rincon mientras a konfiská su reibeweis. Pa e motibu aki e bolbe detené i a konfiská e vehíkulo.
Djasabra 26 di aprel, alrededor di 4 or di mardugá, a detené un hòmber di inisial K.I.R. di 24 aña di edat na Kaya Papa Cornes. E sospechoso tabata enbolbí den un aksidente entre dos vehíkulo. Konforme e maneho di ‘botsen is blazen’, a hasi un tèst di supla i a resultá ku el a konsumí mas alkohòl ku ta pèrmití pa lei. A konfiská su reibeweis.
Djasabra 25 di aprel, alrededor di 1.15 or di mardugá, a detené un dama di inisial B.J.P. di 25 aña di edat riba Bulevar Gobernador N. Debrot. E sospechoso tabata enbolbí den un aksidente ku solamente daño material. Konforme e maneho di ‘botsen is blazen’, a hasi un tèst di supla i a resultá ku el a konsumí mas alkohòl ku ta pèrmití pa lei. El a haña prohibishon di manehá pa 5 ora.
A transportá tur sospechoso pa warda di polis pa kontinuá ku e trámitenan korespondiente. Aki nan a risibi un prosèsferbal.
Ladronisia for di vehíkulo
Djadumingu 26 di aprel a drenta keho di ladronisia for di un vehíkulo stashoná na Kaya Skandelchi. Deskonosínan a bai ku un mashin di bora i slijptol for di e vehíkulo. Ta investigando e kaso.
Vehíkulo a bòltu
Djadumingu 26 di aprel, alrededor di 04.20 or di mardugá, ‘meldkamer’ sentral a risibí notifikashon tokante un outo ku a bòltu na altura di Playa Pal’i Mangel (Donkey Beach) riba E.E.G. Bulevar. Na yegada di polis a topa ku e vehíkulo riba su dak. E shofùr a logra sali riba su propio forsa for di e vehíkulo i tabata keha di doló. Ambulans a transport’é pa hòspital pa tratamentu médiko mas avansá. Pa motibu di prioridat médiko no por a hasi tèst di supla ku e shofùr. Velosidat haltu a hunga ròl den e aksidente aki di kua e shofùr a pèrdè kòntròl.
Djadumingu 26 di aprel, alrededor di 03.25 or di mardugá, ‘meldkamer’ sentral a risibí notifikashon tokante un pikòp ku a bòltu riba Kaminda Tras di Montaña di kua e shofùr a resultá heridá. Na yegada di polis a topa ku e vehíkulo riba kaya, riba su banda. A hasi tèst di supla ku e shofùr i tabatin indikashon di uso di alkohòl. Ademas e shofùr a deklará ku el a bai desvia pa un buriku, pèrdè kòntròl i bòltu. Pa motibu di prioridat médiko, ambulans a transportá e shofùr pa hòspital pa tratamentu médiko mas avansá.
Listramentu preventivo
Den oranan di anochi di djasabra 25 di april, bou di enkargo di Ministerio Públiko (OM) a tene kòntròl na algun establesimentu di hóreka den kuadro di listramentu preventivo. Durante e
kòntròl aki a listra alrededor di diessinku(15) persona i shete(7)vehíkulo. A konfiská un arma blanku(Stanley mes) i supstansianan probablemente narkótiko.
Den oranan di mardugá di djadumingu 26 di april, a listra algun persona den Centrumgebied. Durante e kòntròl aki a konfiská dos ‘grinder’, supstansianan probablemente narkótiko i arma blanku di kua dos skèr i un kuchú.
Fiskal mayó a outorisá kuerpo polisial den e periodo di 24 di aprel pa 3 di mei, pa listramentu preventivo. Esaki ta nifiká ku por listra tur hende den sierto áreanan di riesgo di seguridat designá sin ku ta nesesario ku tin sospecho òf indikashon pa hasi esei.
Listramentu preventivo ta un instrumento importante den e lucha kontra poseshon di arma i otro ophetonan peligroso. Ku e akshon aki, polis ta enfatisá su kompromiso pa oumentá seguridat di siudadanonan i prevení echonan kastigabel. Polis ta konta ku bo(so) koperashon. Esun ku nenga di koperá ku listramentu preventivo ta kore riesgo di detenshon.
Detenshon
Djasabra 25 di aprel, alrededor di 3.15 or di mardugá, a detené un hòmber di inisial B.A.G.A. di 31 aña di edat na altura di un establesimentu di hóreka na Kaya Bonaire. E sospechoso tabata enbolbí den un konfrontashon físiko ku un otro hòmber i no a duna oido na òrdu di polis pa bandoná e sitio. Na momentu di su detenshon, e no tabata ke koperá. A detené pa no kumpli ku òrdu di polis, pa resistí detenshon i buracheria públiko.