Aksidente entre pikòp i ‘fatbike’
Djárason 29 di yüli, alrededor di 11 or di anochi, ‘meldkamer’ sentral a risibí notifikashon tokante un aksidente na altura di e krusada di Kaya Kanari, Kaya Pos di Amor i Kaya Flamingo. Na e sitio a resultá ku un pikòp i un baiskel (fatbike) a dal den otro. Ambulans a transportá ámbos persona ku tabata riba e fatbike pa hòspital pa tratamentu médiko. Konforme e maneho di ‘botsen is blazen’, a hasi tèst di supla ku ámbos shofùr. No tabatin indikashon tokante uso di alkohòl.
Aksidente ku herido
Djárason 29 di yüli, alrededor di 10.45 or di anochi, ‘meldkamer’ sentral a risibí notifikashon tokante un aksidente entre un pikòp i un outo riba Kaya Sonmontuno. Despues di e impakto, e pikòp a sigui kore i dal den un palu di lus. Shofùr di e outo a resultá heridá i ambulans a transport’é pa hòspital pa tratamentu médiko. Konforme e maneho di ‘botsen is blazen’, a hasi tèst di supla ku solamente shofùr di e pikòp i no tabatin indikashon tokante uso di alkohòl. No por a hasi e tèst di supla ku shofùr di e outo debí na su kondishon médiko.
Entrada hudisial i detenshon pa violashon Lei di Opio
Den oranan lat di anochi di djamars 28 di yüli, a tene entrada hudisial na un kas situá na Kaya Maria relashoná ku un investigashon di violashon di Lei di Opio BES. Durante e entrada hudisial a detené un hòmber di inisial F.C.M. di 18 aña di edat i konfiská artíkulonan relevante pa e kaso. Investigashon ta kontinuá.
Aksidente entre dos vehíkulo
Djamars 28 di yüli, alrededor di 5 or di atardi, un aksidente entre dos vehíkulo a tuma lugá na altura di Kaya Gatu i Kaya Patachi. Na yegada di polis a resultá ku un outo a dal den pikòp. Konforme e maneho di ‘botsen is blazen’, a hasi tèst di supla ku ámbos shofùr i no tabatin indikashon tokante uso di alkohòl. Shofùr di e outo a resultá heridá i ambulans a transport’é pa hòspital pa tratamentu médiko. Ademas el a haña but pa manehá sin reibeweis.
Detenshonnan pa manehá bou di influensia di alkohòl
Den e dianan ku a pasa, polis a detené dos(2) shofùr pa manehá bou di influensia di alkohòl.
Djadumingu 26 di yüli, alrededor di 8.45 or di anochi, ‘meldkamer’ sentral a risibí notifikashon tokante un aksidente riba Kaya Internashonal, na altura di Te Amo Beach, di kua un outo a bòltu. Na yegada di polis nan a topa ku e shofùr. E no por a mustra un reibeweis ni seguro. Konforme e maneho di ‘botsen is blazen’ a hasi un tèst di supla kuné. Esaki no a duna resultado. Durante e kòntròl, polis a konstatá vários karakterístika ku a duna motibu pa sospechá ku e shofùr tabata bou di influensia di alkohòl. P'esei a detené e hòmber di inisial F.R.T. di 23 aña di edat riba sospecho di manehá bou di influensia. Na warda di polis a hasi un análasis di rosea kuné. Aki a resultá ku el a konsumí mas alkohòl ku ta pèrmití pa lei. A traha un prosèsferbal i el a haña but pa e violashonnan ku a konstatá.
Djasabra 25 di yüli, alrededor di 11.35 or di anochi, ‘meldkamer’ sentral a risibí notifikashon tokante un aksidente riba Kaya Macario (Cai) Sint Jago. Na e sitio a resultá ku un outo a dal den un pikòp ku tabata stashoná. Durante kòntròl, e shofùr di e outo no por a mustra un reibeweis ni seguro bálido. A dun’é but pa esakinan. Konforme e maneho di ‘botsen is blazen’, a hasi un tèst di supla ku e shofùr. Aki tabatin indikashon ku el a konsumí mas alkohòl ku ta pèrmití pa lei. A detené e hòmber di inisial C.R.P.R. di 41 aña di edat i a hib’é warda di polis pa un análisis di rosea. Na warda di polis e sospechoso a nenga di koperá pa hasi e análisis di rosea. Pa e motibu aki a traha un prosèsferbal p’é.
Outo a bòltu
Djadumingu 26 di yüli, alrededor di 7.45 or di anochi, ‘meldkamer’ sentral a risibí notifikashon tokante un outo ku bòltu riba Kaya Randolph Statius van Eps. Segun e notifikashon, tabatin posibel heridonan. Na yegada di polis nan a topa ku un víktima. E outo tabata riba su dak den mondi i tabatin basta daño. Personal di ambulans a duna e víktima, ku tabata konsiente, asistensia médiko. Despues a transport’é pa hòspital pa tratamentu médiko. Debí na e prioridat médiko, no por a hasi un tèst di supla.
A konfiská vehíkulo despues di fivermentu
Djabièrnè 24 di yüli, alrededor di 11.40 or di anochi, ‘meldkamer’ sentral a risibí notifikashon tokante fivermentu riba un sitio di stashoná di un supermerkado na Kaya Nikiboko Sùit. Na yegada di polis nan a topa ku e vehíkulo en kestion. A base di imágennan di video i pa motibu ku e vehíkulo aki tabata enbolbí anteriormente den komportashon di manehá similar, a konfiská e vehíkulo. Polis ta enfatisá ku e tipo di kondukta di manehá aki por kousa situashonnan peligroso pa shofùrnan, públiko i otro usuarionan di tráfiko.
Hòmber detené relashoná ku Lei di Entrada i Ekspulshon / den kuadro di kòntròl di strañero
Djabièrnè 24 di yüli, alrededor di 10.15 or di mainta, durante un patruya riba Kaya Dr. Jose G. Hernandez, polis a topa ku un hòmber ku tabatin pèrmit pa su detenshon pa violashon di e Lei di Entrada i Ekspulshon (WTU). A detené e hòmber di inisial G.M.A.E. di 27 aña di edat i a hib’é warda di polis.