Diferente vehíkulo konfiská
Djabièrnè 31 di yüli, alrededor di 1.15 or di mardugá, un patruya a mira un skuter ku un persona riba dje riba Bulevar Gobernador N. Debrot. E shofùr di e skuter tabata mustra komportashon dudoso, a hisa velosidat na momentu ku el a mira polis i purba skonde pa polis. Riba Kaya Mississippi, e patruya a topa ku e hòmber tras di un outo skondí i a kontrol’é. E shofùr no por a mustra un reibeweis i tampoko dokumentunan di seguro. Despues di investigashon mas aleu a resultá ku diferente biaha polis a para e shofùr aki i dun’é but. Pa e motibu aki a konfiská e skuter.
Djabièrnè 31 di yüli, alrededor di 12.50 or di mardugá, un patruya a mira un outo sin lus sendé riba Kaya Korona i a par’é na altura di Kaya Barakuda. E shofùr no por a mustra un reibeweis i tampoko dokumentunan di seguro. Despues di investigashon mas aleu a resultá ku diferente biaha polis a para e shofùr aki i dun’é but. Pa e motibu aki a konfiská e outo.
Djaweps 30 di yüli, alrededor di 1.55 or di mardugá, un patruya a para un outo pa un kòntròl rutinario riba Kaminda Yato Bako. E shofùr no por a mustra un reibeweis i tampoko dokumentunan di seguro. Despues di investigashon mas aleu a resultá ku diferente biaha polis a para e shofùr aki i dun’é but. Pa e motibu aki a konfiská e outo.
Investigashon tokante posibel kaso di tiroteo
Djaweps 30 di yüli, alrededor di 9.45 or di anochi, “meldkamer” sentral a risibí notifikashon tokante un insidente kaminda un òf mas persona ta enbolbí i tambe posiblemente a los tiru na Kaya De La Plata. Polis a hasi investigashon den e área i a kontrolá diferente vehíkulo pero no a topa ku ningun partikularidat.
Investigashon den e kaso ta kontinuá.
KPCN ta pidi kualke persona ku a mira, tende algu òf tin kualkier informashon, pa tuma kontakto ku polis na 715-8000 òf via e liña di tep anónimo 9310.
Detenshon pa ladronisia i violashon Lei di Identifikashon
Djaweps 30 di yüli, alrededor di 8.35 or di mainta, a detene un hòmber di inisial B.T.S. di 51 aña di edat pa ladronisia i violashon di Lei di Identifikashon BES. E detenshon a tuma lugá despues ku ‘meldkamer’ sentral a risibí notifikashon tokante un persona ku a bula tras di un bar na un akomodashon turistiko i konsumi bebida sin paga. Na yegada di polis, e sospechoso no kier a skucha, el a kana bai laga polis i no tabata ke koperá. Ademas e no por a identifiká su mes i tabata kousa molèster for di den oranan di mardugá di kua a drenta diferente notifikashon. Pa e motibu aki a detené i bai warda di polis kuné. Aki a entreg’é na e Departamentu di Supervishon di Estranhero (Vreemdelingen Toezicht) di KPCN pendiente pa mand’é su pais di orígen.
Detenshon pa manehá bou di influensia di alkohòl
Djaweps 30 di yüli, alrededor di 2.45 or di mardugá, a detené un hòmber di inisial B.I.D.S. di 27 aña di edat riba Bulevar Gobernador N. Debrot pa manehá bou di influensia di alkohòl. Un patruya a para e sospechoso pa motibu ku e tabata manehá un bròmer sin hèlm bistí. Durante kòntròl e sospechoso no por a mustra un reibeweis ku e kategoria korekto pa manehá e vehíkulo menshoná i e bròmer no tabata segurá. Ademas a hasi un tèst di supla kuné i a resultá ku e el a konsumí mas alkohòl ku ta pèrmití pa lei. El a haña un prosèsferbal i prohibishon di manehá pa 6 ora. Tambe el a haña but pa manehá sin reibeweis, sin seguro i sin hèlm bistí.