Ladronisia di skuter
Djaweps 20 di ougùstùs a drenta keho di ladronisia di un skuter di e marka Sym modèl Orbit 2, ku plachi di number MF-4544. E skuter tabata stashoná na Kaminda Lagun. Ta investigando e kaso.
Kòntròl planiá di tráfiko
Den oranan di anochi di djárason 19 di ougùstùs, a tene un kòntròl di tráfiko riba Kaya Sonmontuno. Durante e kòntròl aki a para i kontrolá alrededor di 20 vehíkulo i a duna ocho(8) but.
E butnan tabata pa e siguiente violashonnan:
-
4x pa manehá sin reibeweis bálido;
-
3x pa manehá sin seguro bálido;
-
1x pa manehá sin plachi di number.
Kòntròlnan di tráfiko ta kontinuá!
A konfiská outo
Djárason 19 di ougùstùs, alrededor di 6.40 or di anochi, un patruya a para un outo pa kòntròl rutinario riba Kaya Kalipso. E shofùr no por a mustra un reibeweis i tampoko dokumentunan di seguro bálido. Despues di investigashon mas aleu a resultá ku diferente biaha polis a para e shofùr aki i dun’é but pa manehá sin reibeweis i sin seguro bálido. Pa e motibu aki el a haña but i a konfiská e outo.
