Aksidente entre dos outo
Djamars 8 di sèptèmber, alrededor di 2.25 or di atardi, ‘meldkamer’ sentral a risibí notifikashon tokante un aksidente entre dos outo riba Kaya Lodewijk D. Gerharts na altura di Kaya Soeur Bartola. Pa motibu di keda sin duna preferensia, e vehíkulonan a dal den otro. Personal di ambulans a hasi chekeo médiko ku esnan enbolbí i no mester a transportá ningun pa hòspital. Konforme e maneho di ‘botsen is blazen’, a hasi un tèst di supla ku ámbos shofùr i no tabatin indikashon tokante uso di alkohòl. Shofùr di un di e outonan enbolbí a haña but pa manehá sin reibeweis i sin seguro bálido.
Ladronisia for di pikòp
Djamars 8 di sèptèmber a drenta keho di ladronisia for di un pikòp stashoná na ‘Pink Beach’ riba E.E.G. Bulevar. Na momentu ku e pasaheronan a baha pa wak flamingo, deskonosínan a destruí bentana di e vehíkulo i a bai ku diferente pertenensia personal. Ta investigando e kaso.
Restunan di outo na kandela
Djamars 8 di sèptèmber, alrededor di 12.35 or di mèrdia, 'meldkamer' sentral a risibí notifikashon tokante kandela den besindario di Santa Clara. Na yegada di polis a resultá ku tabata trata di restunan di outo bieu na kandela. Probablemente dor ku tabata sleip piesanan di outo, a kousa e kandela. Brantwer a paga e kandela.
Ladronisia di ‘raptor’
Djaluna 7 di sèptèmber a drenta keho di ladronisia di un kuat koló blou ku pretu di e marka Yamaha, tipo Raptor-R. E kuat tabata stashoná dilanti di un kompleho di apartamento na Kaya Irlandia na momentu ku deskonosínan a bai kuné. Ta investigando e kaso.