E insidente di kua a tira riba outo di un agente polisial ta sumamente serio. P'esei Kuerpo Polisial Hulanda Karibense (KPCN) ta tuma e insidente aki di tal forma. E investigashon ta den fase inisial i ta ehekutá esaki ku koutela i determinashon.
Violensia, menasa i intimidashon kontra agentenan polisial ta kompletamente inaseptabel. Nos polisnan mester por hasi nan trabou di un manera sigur, sin menasa, intimidashon òf agreshon. KPCN ta para tras di su trahadónan i ta sigui komprometé su mes pa nan siguridat i protekshon.
Nos no ta tolerá intimidashon. Nos ta sigui aktua na un manera profeshonal, ku determinashon i den unidat, i ta hasi loke ta sperá di nos: esta sirbi i protehá nos komunidat.
Arma di kandela ilegal ta forma un menasa direkto pa siguridat di nos komunidat. Poseshon i uso ilegal di arma di kandela i menasá otro hende kuné, ta echonan kastigabel grave. Nos ta aktua ku determinashon kontra esaki. KPCN ta sigui komprometé su mes pa detektá i kita arma di kandela ilegal for di riba kaya.
Komo hefe di kuerpo mi ke pa esaki ta bon klá: esun ku usa violensia kontra nos trahadónan, menasá nan òf purba intimidá nan, no lo deskurashá nos. Nos ta sigui hasi e trabou i lo aktua ku determinashon, denter di e límitenan di lei, kontra personanan ku pasa e límitenan aki.