E prosedura di keho ta diseñá pa trata kehonan di siudadano tokante polis un manera profeshonal, kuidadoso i transparante. Esaki ta yuda pa fortalesé e konfiansa, siña di fayonan i mehorá e kalidat di nos trabou.
Un keho ta un ekspreshon di malkontentu dirigí riba un kondukta spesífiko di un agente polisial ku ta kai bou di outoridat di e Hefe di Kuerpo.
E outoridat kompetente ta Hefe di Kuerpo di Kuerpo Polisial Hulanda Karibense (KPCN). E ta risibí sosten di un kordinadó di keho i, den e fase formal, di e komishon di keho independiente.
Bo por entregá un keho via e formulario di keho riba nos wepsait. ‘Download’ e formulario den e idioma ku bo ta dominá miho, yen’é i mand’é via meil na BIZ@politiecn.com . Bo por bai ku bo keho físikamente tambe na e warda di polis riba un di e diferente islanan: na Kaya Libertador Simon Bolivar #4, Kralendijk, Boneiru; Samuel A. Charlesstraat #1, The Bottom, Saba; òf Father van Tevelenweg #10, Oranjestad, Sint -Eustatius.
No, ta nesesario pa bo indiká bo nòmber kompletu i adrès. Sin e informashon aki, no por trata bo keho.
Si, por entregá un keho verbal por eskrito riba petishon di e dunadó di keho si esaki no por hasi esaki su mes pa motibunan rasonabel.
Bo ta risibí un konfirmashon ku a risibí bo keho den tres dia di trabou. Despues e kordinadó di keho lo papia ku bo tokante:
- E kontenido i meta di bo keho.
- Si por trata bo keho.
- Kon e proseso ta siguí.
E kordinadó di keho lo purba di yega na un solushon pa medio di un reunion di mediashon entre abo i e polis(nan) enbolbí. E kombersashon aki por kondusí na:
- Solushon i klousura di e keho.
- E desishon pa siguí ku tratamentu formal.
Si e maneho informal no ta satisfaktorio, un komishon di keho independiente lo atendé e keho. E komishon aki ta duna Hefe di Kuerpo konseho. Hefe di kuerpo ta tuma un desishon formal.
Hefe di kuerpo por determiná ku bo keho ta:
- Bon fundá: bo keho ta hustifiká
- Infundá: bo keho no ta hustifiká
- No tin huisio: No tin sufisiente informashon
- No -atmisibel: bo keho no ta kumpli ku e rekisitonan.
Si un keho ta hustifiká i ta mustra faltanan serio, esaki por kondusí na un investigashon interno separá. Kualke medida disiplinario ta kai pafó di e prosedura di keho i lo trata esaki di akuerdo ku medidanan interno.
E fase informal ta dura máksimo 10 siman. Si trata e keho formalmente, e prosedura total por dura te ku 18 siman.
Si, bo por retirá bo keho na kualke momentu. Esaki ta kondusí na seramentu di e prosedura di keho.
Por entregá e desishon di hefe di kuerpo na Ombudsman Nashonal.